ໂຮງກັ່ນນໍ້າມັນລາວ-ຈີນ ຜະລິດໄດ້ 1 ລ້ານໂຕນ/ປີ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ໂຮງກັ່ນນໍ້າມັນລາວ-ຈີນ ຜະລິດໄດ້ 1 ລ້ານໂຕນ/ປີ

ໂຮງກັ່ນນໍ້າມັນປີໂຕຼເຄມີ ລາວ ຕັ້ງຢູ່ເຂດພັດທະນາ ກວມລວມໄຊເສດຖາ ນະຄອນຫລວງວຽງຈັນ ສາມາດຜະລິດນໍ້າມັນຫລາຍຊະນິດອອກຮັບໃຊ້ສັງຄົມ ໄດ້ 1 ລ້ານໂຕນຕໍ່ປີ.

ປັດຈຸບັນ, ໂຮງງານໄດ້ເລີ່ມເປີດການຜະລິດວັນທີ 30 ພະຈິກ 2020 ທີ່ຜ່ານມາ. ໂດຍມີກຳລັງການຜະລິດປັດຈຸບັນ: 1.000.000 ໂຕນ/ປີ. ວັດຖຸດິບຕົ້ນຕໍທີ່ນຳໃຊ້ເຂົ້າໃນການຜະລິດໄດ້ແກ່ ນໍ້າມັນເຄິ່ງສໍາເລັດຮູບປະເພດ AGO ແລະ CONDENSATE.

ຜະລິດຕະພັນຂອງໂຮງງານມີ: ນໍ້າມັນແອັດຊັງ, ນໍ້າມັນກາຊວນ, ນໍ້າມັນເຕົາເບີ 1, ນໍ້າມັນເຕົາເບີ 4, ນໍ້າມັນກາດຍົນ, ອາໂຣເມຕິດປະສົມ, ຄາບອນ 5 ປະສົມ, ອາຍແກ໊ສ ແລະ ຊູນເຟີ (ມາດ) ເພື່ອຈໍາ ໜ່າຍພາຍໃນ ແລະ ສົ່ງອອກຕ່າງປະເທດ.

ໂຮງງານດັ່ງກ່າວ ສ້າງຕັ້ງຂຶ້ນໃນເດືອນ 9 ປີ 2014 ເປັນການຮ່ວມທຶນກັນລະຫວ່າງ ບໍລິສັດ ລົງທຶນຕ່າງປະເທດເເຂວງຢຸນນານ (YOIC) ກັບ ລັດວິສາຫະກິດນໍ້າມັນເຊື້ອໄຟລາວ (ລນລ) ແລະ ວິສາຫະກິດລາວ-ຈີນ, ໃນນັ້ນ ລນລ ມີຮຸ້ນ 20%.

ຕາມເເຜນການໂຄງການມີມູນຄ່າການລົງທຶນທັງໝົດ 2.000.000.000 ໂດລາສະຫະລັດ, ໃຊ້ເວລາການກໍ່ສ້າງ 5-10 ປີ. ໃນນັ້ນ ເເບ່ງອອກເປັນ 3 ໄລຍະຂອງການກໍ່ສ້າງ, ເມື່ອສໍາເລັດການກໍ່ສ້າງທັງໝົດຈະສາມາດມີກໍາລັງການຜະລິດເຖິງ 3.000.000 ໂຕນ/ປີ.

ໃນວັນທີ 29/6/2022, ທ່ານ ມະໄລທອງ ກົມມະສິດ ລັດຖະມົນຕີ ກະຊວງອຸດສາຫະກຳ ແລະ ການຄ້າ ພ້ອມຄະນະ ໄດ້ລົງເຄື່ອນໄຫວຢ້ຽມຢາມ ໂຮງງານດັ່ງກ່າວ.

ຈາກ: New times

Related Posts

Leave a Reply

Your email address will not be published. Required fields are marked *