ປະຊຸມຫາລືການຄຸ້ມຄອງນໍ້າມັນເຊື້ອໄຟ ຄິດໄລ່ໂຄງສ້າງລາຄາ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ປະຊຸມຫາລືການຄຸ້ມຄອງນໍ້າມັນເຊື້ອໄຟ ຄິດໄລ່ໂຄງສ້າງລາຄາ

ທ່ານ ພູວຽງ ພົງສາໄດ້ໃຫ້ຮູ້ວ່າ:

ເນື່ອງດ້ວຍລາຄານໍ້າມັນທົ່ວໂລກປັບຂຶ້ນສູງ ບວກກັບການນຳເຂົ້ານໍ້າມັນປະສົບບັນຫາຍ້ອນອັດຕາແລກປ່ຽນຜັນຜວນ ແລະ ສົ່ງຜົນໃຫ້ການນໍາເຂົ້ານໍ້າມັນຫຼຸດລົງ ເກີດສະພາບຂາດແຄນນໍ້າມັນ ດັ່ງທີ່ພວກເຮົາໄດ້ປະສົບໃນໄລຍະສອງເດືອນທີ່ຜ່ານມາ.

ຕົວຈີງພວກເຮົາຍັງມີຄວາມຈໍາເປັນນໍາໃຊ້ເງິນຕາຕ່າງປະເທດເພີ່ມຂຶ້ນ ໃນຂະນະທີ່ແຫລ່ງສະໜອງເງິນຕາຕ່າງປະເທດຂອງປະເທດເຮົາມີຈໍກັດ.

ຕໍ່ບັນຫາດັ່ງກ່າວ, ລັດຖະບານ ກໍໄດ້ມີການສະເໜີ ຫລາຍວິທີທາງອອກເຊັ່ນ:

  1. ການຫຼຸດອັດຕາ ອາກອນຊົມໃຊ້ນໍ້າມັນລົງ
  2. ການໃຫ້ບູລິມະສິດ ໃນການແລກປ່ຽນເງິນຕາ
  3. ການຈັດຊື້ນໍ້າມັນເຊື້ອໄຟ ຈາກຫຼາຍແຫຼ່ງ ເພື່ອເປັນອີກທາງເລືອກ ໃນການສະໜອງນໍ້າມັນເຊື້ອໄຟ ໃນສະເພາະໜ້າ ແລະ ຍາວນານ, ແລະ ອື່ນໆ.

ຄຽງຄູ່ກັນນີ້, ກະຊວງອຸດສາຫະກຳ ແລະ ການຄ້າ ຍັງໄດ້ຮ່ວມກັບຂະແໜງການກ່ຽວຂ້ອງ ເພື່ອຊຸກຍູ້ໃຫ້ບັນດາໂຮງງານປຸງແຕ່ງ ຫຼື ໂຮງງານປະສົມນໍ້າມັນເຊື້ອໄຟ ພາຍໃນປະເທດ ເຊັ່ນ ໂຮງງານກັ່ນນໍ້າມັນລາວເປັກ, ໂຮງງານປະສົມນໍ້າມັນເຊື້ອໄຟ ຍອດງື່ມພາວເວີ ແລະ ໂຮງງານນໍ້າມັນກາຊວນຊີວະພາບ ອາໂກຣເທັກ ເພື່ອເພີ່ມການສະໜອງນ້ໍາມັນພາຍໃນປະເທດເຮົາຕື່ມ.

ສຳລັບການກຳນົດ ແລະ ການຄິດໄລ່ລາຄານໍ້າມັນເຊື້ອໄຟ ຂອງ ສປປ ລາວ: ໂຄງສ້າງລາຄານໍ້າມັນເຊື້ອໄຟ ສປປ ລາວ ປະກອບດ້ວຍ: ຕົ້ນທຶນການນຳເຂົ້າ ປະກອບມີ: ລາຄາ CIF; ພັນທະຕ່າງໆ ປະກອບມີ:

ພາສີຂາເຂົ້າ; ອາກອນຊົມໃຊ້; ອາກອນມູນຄ່າເພີ່ມ; ກອງທຶນບູລະນະທາງ; ເຊິ່ງລາຍຮັບ-ລາຍຈ່າຍ ພາກທຸລະກິດ ປະກອບມີ: ຄ່າບໍລິການ (ບໍລິສັດ ນຳເຂົ້າ-ສົ່ງອອກ ນໍ້າມັນເຊື້ອໄຟ, ບໍລິສັດ ຈຳໜ່າຍພາຍໃນ ແລະ ປ້ຳນ້ຳມັນເຊື້ອໄຟ.

ການຄິດໄລ່: ການຄິດໄລ່ໂຄງສ້າງລາຄານໍ້າມັນເຊື້ອໄຟ ສປປລາວ ແມ່ນຄິດໄລ່ ບົນພື້ນຖານ (ລາຄາCIF (x) ອັດຕາແລກປ່ຽນ) (+) ພາສີນຳເຂົ້າ (+) ອາກອນການຊົມໃຊ້ (+) ອາກອນລາຄາມູນຄ່າເພີ່ມ (+) ກອງທຶນບູລະນະທາງ (+) ຄ່າໃຊ້ຈ່າຍທຸລະກິດ,

ການຄິດໄລ່ລາຄາແຕ່ລະຄັ້ງ ແມ່ນຄິດໄລ່ໂດຍສະເລ່ຍ 15 ວັນ (ກໍານົດໄວ້ໃນ ມາດຕາ 45 ຂອງດໍາລັດວ່າດ້ວຍທຸລະກິດນໍ້າມັນເຊື້ອໄຟ) ແຕ່ອີງຕາມສະພາບການສະໜອງນໍ້າມັນເຊື້ອໄຟຂອງໂລກໃນປະຈຸບັນແມ່ນໄດ້ປັບການ ຄິດໄລ່ໂດຍສະເລ່ຍ 5-7 ວັນ.

ຂໍ້ມູນ: ຂ່າວເສດຖະກິດການຄ້າ

Related Posts

Leave a Reply

Your email address will not be published. Required fields are marked *