2​ ເດືອນ​ ກວດພົບຜູ້ລະເມີດກ່ຽວກັບນໍ້າມັນເຊື້ອໄຟ 1.147 ຄັ້ງ​ ຜູ້ລະເມີດ 126 ກໍລະນີ​

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


2​ ເດືອນ​ ກວດພົບຜູ້ລະເມີດກ່ຽວກັບນໍ້າມັນເຊື້ອໄຟ 1.147 ຄັ້ງ​ ຜູ້ລະເມີດ 126 ກໍລະນີ​

ໃນຊ່ວງເດືອນເມສາ – ຕົ້ນເດືອນກໍລະກົດ ປີ 2022 ລາຄານ້ຳມັນໃນທົ່ວໂລກມີການເໜັງຕີງຂຶ້ນ, ເຊິ່ງເປັນປັດໄຈເຮັດໃຫ້ລາຄານໍ້າມັນເຊື້ອໄຟຢູ່ ສປປ ລາວ ສູງຂຶ້ນ ເຊັ່ນດຽວກັນ.

ສະນັ້ນ, ຈຶ່ງເຮັດໃຫ້ເກີດມີປະກົດການກັກຕຸນນ້ຳມັນ, ຂາຍເກີນລາຄາ, ປະຊາຊົນຂາຍເອງຊະຊາຍຕາມແຄມທາງ ແລະ ອື່ນໆ.

ຕໍ່ກັບບັນຫາດັ່ງກ່າວ, ກົມການຄ້າພາຍໃນ ໃນນາມເປັນເສນາທິການໃຫ້ແກ່ ກະຊວງອຸດສາຫະກໍາ ແລະ ການຄ້າ ໃນການຈັດຕັ້ງປະຕິບັດວຽກງານກວດກາການຄ້າ ໄດ້ແຕ່ງຕັ້ງ ແລະ ຊີ້ນໍາເຈົ້າໜ້າທີ່ກວດກາການຄ້າ ໃນຂອບເຂດທົ່ວປະເທດ ປະສານສົມທົບກັບຂະແໜງການທີ່ກ່ຽວຂ້ອງ ລົງກວດກາຕົວຈິງ ແບບປົກກະຕິ ແລະ ກວດກາຕາມຫາງສຽງຂອງສັງຄົມຜ່ານສື່ອອນລາຍ ແລະ ຜ່ານສາຍດ່ວນປົກປ້ອງຜູ້ຊົມໃຊ້ 1510.

ສະນັ້ນ, ຜ່ານການລົງກວດກາຕົວຈິງ ໄດ້ແຕ່ຊ່ວງເດືອນ ເມສາ ຜ່ານມາຮອດປະຈຸບັນ ລວມ ທັງໝົດຈຳນວນ 1.​174 ຄັ້ງ ແມ່ນ: ເຮັດບົດບັນທຶກກ່າວເຕືອນ ແລະ ສຶກສາອົບຮົມ ຜູ້ລະເມີດ 126 ກໍລະນີ. ນຳໃຊ້ມາດຕະການປັບໃໝ ຕໍ່ຜູ້ສືບຕໍ່ລະເມີດ ຫຼື ມີເຈດຕະນາໂດຍກົງ ຕາມດຳລັດ 331/ນຍ ວ່າດ້ວຍທຸລະກິດນ້ຳມັນ ເຊື້ອໄຟ 14 ກໍລະນີ, ແຈ້ງການສັ່ງໂຈະການເຄື່ອນໄຫວດໍາເນີນທຸລະກິດປໍ້າຂາຍຍ່ອຍນໍ້າມັນເຊື້ອໄຟ ຊົ່ວຄາວ 03 ປໍ້າ.

ພ້ອມນີ້, ກໍໄດ້ລົງກວດກາການຂາຍນ້ຳມັນເຊື້ອໄຟຊະຊາຍຕາມແຄມທາງ, ສະເພາະຢູ່ ນະຄອນຫຼວງວຽງຈັນ ເຈົ້າໜ້າທີ່ກວດກາການຄ້າ ໄດ້ກ່າວເຕືອນ ແລະ ຍຶດນ້ຳມັນເຊື້ອໄຟ (ແອັດຊັງ, ກາຊວນ) ຈຳນວນ 86 ຈຸດ, 250 ລິດ.

ໝາຍເຫດ: ຖ້າພົບເຫັນການກະທໍາຜິດທີ່ລະເມີດລະບຽບຄຸ້ມຄອງການຄ້າ, ການເອົາລັດເອົາປຽບຜູ້ຊົມໃຊ້ ໂທສາຍດ່ວນ ປົກປ້ອງຜູ້ຊົມໃຊ້ 1510.

ແຫຼ່ງຂໍ້ມູນ: ຈາກພະແນກອຸດສາຫະກໍາ ແລະ ການຄ້າ ແຂວງ, ນະຄອນຫຼວງ

Related Posts

Leave a Reply

Your email address will not be published. Required fields are marked *