ຮສສ ຫ້າມX ຈັດຫາງານໄປຕ່າງປະເທດໂດຍບໍ່ໄດ້ຮັບອານຸຍາດ ພິເສດ ສ. ເກົາຫລີ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ຮສສ ຫ້າມX ຈັດຫາງານໄປຕ່າງປະເທດໂດຍບໍ່ໄດ້ຮັບອານຸຍາດ ພິເສດ ສ. ເກົາຫລີ ລະເມີດ ປັບໄໝ 10 ລ້ານກີບ ພ້ອມໃສ່ໂທດຕາມກົດໝາຍ

ເນື່ອງຈາກໃນໄລຍະຜ່ານມາ ມີຫຼາຍຫົວຫນ່ວຍທຸລະກິດ ທີ່ໄດ້ຮັບອະນຸຍາດໃຫ້ດໍາເນີນທຸລະກິດອື່ນ ແຕ່ບໍ່ໄດ້ຮັບ ອະນຸຍາດໃຫ້ເຄື່ອນໄຫວບໍລິການຈັດຫາງານ ໄດ້ເຄື່ອນໄຫວໂຄສະນາຂົນຂວາຍຈັດຫາງານ ໃຫ້ແຮງງານລາວໄປເຮັດວຽກຢູ່ຕ່າງປະເທດ ໂດຍສະເພາະແມ່ນປະເທດ ສ.ເກົາຫຼີ

ຊຶ່ງໄດ້ສ້າງຄວາມສັບສົນໃຫ້ແກ່ສັງຄົມ ລວມທັງສ້າງຄວາມຫຍຸ້ງຍາກໃຫ້ແກ່ອົງການຄຸ້ມຄອງວຽກງານແຮງງານ, ແຮງງານທີ່ຖືກຈັດສົ່ງໄປບໍ່ໄດ້ຮັບການຄຸ້ມຄອງ, ເປັນແຮງງານທີ່ຜິດກົດຫມາຍ,

ຖືກຂູດຮີດແຮງງານ, ສ່ຽງຕໍ່ການຖືກຄ້າມະນຸດ, ເສຍຄ່າບໍລິການສູງເກີນຄວາມເປັນຈິງ, ບາງຄົນຈ່າຍເງິນ ແລ້ວບໍ່ໄດ້ໄປເຮັດວຽກ ເຫຼົ່ານີ້ເປັນຕົ້ນ.

ການເຄື່ອນໄຫວບໍລິການຈັດຫາງານໂດຍບໍ່ໄດ້ຮັບອະນຸຍາດ ແມ່ນຜິດຕໍ່ລະບຽບການທີ່ກ່ຽວຂ້ອງ. ບຸກຄົນ ຫຼືນິຕິບຸກຄົນໃດທີ່ ເຄື່ອນໄຫວບໍລິການຈັດຫາງານໂດຍບໍ່ໄດ້ຮັບອະນຸຍາດຖືກຕ້ອງຕາມລະບຽບກົດຫມາຍ

ຈະຖືກສຶກສາອົບຮົມ ແລະ ປັບໄຫມເປັນເງິນ 10.000.000 ກີບ ຕໍ່ຄັ້ງ, ພ້ອມທັງສັ່ງຢຸດເຊົາ ການເຄື່ອນໄຫວທັນທີ, ກໍລະນີມີຄວາມເສຍຫາຍເກີດຂື້ນກັບຜູ້ອອກແຮງງານ ຫຼື ອົງການຈັດຕັ້ງທີ່ກ່ຽວຂ້ອງ ຈະຖືກດໍາເນີນ ຄະດີຕາມກົດຫມາຍ ແລະ ລະບຽບການ.

ນອກຈາກນີ້, ຖ້າຫາກການກະທໍາດັ່ງກ່າວ ເຮັດໃຫ້ແຮງງານຕົກເປັນເຫຍື່ອຂອງການຄ້າມະນຸດ ແມ່ນຈະໄດ້ຖືກດໍາເນີນມາດຕະການຕາມທີ່ໄດ້ກໍານົດໄວ້ໃນກົດຫມາຍວ່າດ້ວຍການຕ້ານການຄ້າມະນຸດ ແລະ ລະບຽບການທີ່ກ່ຽວຂ້ອງ.

ເພື່ອແກ້ໄຂບັນຫາດັ່ງກ່າວ, ຫ້ອງການກະຊວງແຮງງານ ແລະ ສະຫວັດດີການສັງຄົມ ຈຶ່ງຂໍຖືເປັນກຽດແຈ້ງມາຍັງ ບັນດາຫົວຫນ່ວຍທຸລະກິດ

ໃຫ້ຢຸດການເຄື່ອນໄຫວໂຄສະນາຂົນຂວາຍ ແລະ ບໍລິການຈັດຫາງານໄປຕ່າງປະເທດ ໂດຍບໍ່ໄດ້ຮັບອະນຸຍາດຈາກກະຊວງແຮງງານ ແລະ ສະຫວັດດີການສັງຄົມ.

ຂໍ້ມູນ: ຮສສ

Related Posts

Leave a Reply

Your email address will not be published. Required fields are marked *