ເຈົ້າໜ້າທີ່ ຈັບແກ້ງໄວລຸ້ນດັດແປງສະພາບເຕັກນິກຍານພາຫະນະ ມາສຶກສາອົບຮົມ ປັບໃໝ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ເຈົ້າໜ້າທີ່ຈະລາຈອນ ປກສ ເມືອງ ຕົ້ນເຜິ້ງ ສຶກສາອົບຮົມຜູ້ລະເມີດລະບຽບການສັນຈອນ ແລະ ຜູ້ດັດແປງສະພາບເຕັກນິກຍານພາຫະນະ

ວັນທີ 10 ສິງຫາ 2022 ນີ້ ເຈົ້າໜ້າທີ່ໜ່ວຍງານຈະລາຈອນ ກອງບັນຊາການ ປກສ ເມືອງ ຕົ້ນເຜິ້ງ ໄດ້ຈັດຕັ້ງການສຶກສາອົບຮົມຕໍ່ຜູ້ລະເມີດລະບຽບການສັນຈອນ ແລະ ຜູ້ດັດແປງສະພາບເຕັກນິກຍານພາຫະນະ

ທີ່ທາງເຈົ້າໜ້າທີ່ຢືດມາໄດ້ ຢູ່ທີ່ປ້ອມຈະລາຈອນທາງເຂົ້າເທສະບານເມືອງ ພ້ອມທັງໃຫ້ຜູ້ຂັບຂີ່ດັດແປງສະພາບເຕັກນິກຍານພາຫະນະ ເຊັ່ນ: ທໍ່ຄວັນ, ລໍ້ລົດ, ເບາະລົດ, ໄຟຕາ, ແກ ແລະ ອື່ນໆ ໃຫ້ຄືນສູ່ສະພາບເດີມ ແລະ ໄດ້ປັບໄໜຕາມດຳລັດ 568 ຕາມລະບຽບທີ່ໄດ້ກຳນົດໄວ້ໃນກົດໝາຍຈະລາຈອນທາງບົກ.

ທ່ານ ຮທ ພອນປະດິດ ແກ້ວປະເສີດ ຮອງໜ່ວຍງານຈະລາຈອນ ກອງບັນຊາການ ປກສ ເມືອງ ຕົ້ນເຜິ້ງ ໄດ້ໃຫ້ຮູ້ວ່າ: ຍານພາຫະນະທີ່ຢຶດມາໄດ້ຄັ້ງນີ້ ສ່ວນໃຫຍ່ແມ່ນປະເພດລົດຈັກ ມີທັງໝົດ 13 ຄັນ

ເຊິ່ງໄດ້ມີການດັດແປງສະພາບເຕັກນິກທີ່ບໍ່ຖືກຕ້ອງຕາມລະບຽບທີ່ໄດ້ກຳນົດໄວ້ໃນກົດໝາຍຈະລາຈອນທາງບົກ ແລະ ມີການຂັບຂີ່ລົດໄວເກີນກຳນົດ ເນືອງນັນສັງຄົມ ທັງສ່ຽງຕໍ່ການເກີດອຸບັດເຫດ.

ຈຸດປະສົງຂອງການສຶກສາອົບຮົມ ປັບໄໝ ແລະ ເຮັດບົດບັນທຶກກ່າວເຕືອນຄັ້ງນີ້ ກໍ່ເພື່ອເຮັດໃຫ້ຜູ້ຂັບຂີ່ມີຄວາມຮັບຮູ້ເຂົ້າໃຈຕໍ່ຜົນຮ້າຍທີ່ຈະຕາມມາຂອງການຂັບຂີ່ທີ່ບໍ່ຖືກຕ້ອງຕາມລະບຽບການສັນຈອນ ແລະ ການດັດແປງສະພາບເຕັກນິກຍານພາຫະນະ ຕໍ່ຕົນເອງ ແລະ ສັງຄົມ ເຊັ່ນ

ສ້າງຄວາມເນືອງ ເຮັດໃຫ້ບ້ານເມືອງບໍ່ມີຄວາມສະຫງົບ, ສ່ຽງຕໍ່ການເກີດອຸບັດຕິເຫດ ເຊິ່ງຈະເຮັດໃຫ້ເສຍເວລາ ເສຍຊັບສິນ ຫຼື ຮ້າຍແຮງໄປກວ່ານັ້ນກໍ່ແມ່ນເສຍຊີວິດອັນມີຄຸນຄ່າສູງສຸດ ທີ່ບໍ່ສາມາດເອົາກັບຄືນມາໄດ້.

ພາບ – ຂ່າວ: ອຸໄທ ພູມມາ.

Related Posts

Leave a Reply

Your email address will not be published. Required fields are marked *