ໄຊຍະບູລີ ກຽມກໍາລັງພົນ ເພື່ອຮັບມືໄພນໍ້າຖ້ວມ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ໄຊຍະບູລີ ກຽມກໍາລັງພົນ ເພື່ອຮັບມືໄພນໍ້າຖ້ວມ

ແຫລ່ງຂ່າວຈາກແຂວງໄຊຍະບູລີ ລາຍງານໃຫ້ຮູ້ວ່າ: ແຂວງ ໄຊຍະບູລີ ເປັນແຂວງໜຶ່ງທີ່ ໄດ້ຮັບຜົນກະທົບຈາກ ພາຍຸມູນລານ ເຮັດໃຫ້ມີຝົນຕົກຕິດຕໍ່ກັນ ຫລາຍຊົ່ວໂມງ

ໃນລະຫວ່າງວັນທີ 11-12 ສິງຫາ 2022 ນີ້, ເຮັດໃຫ້ຫລາຍເມືອງຢູ່ແຂວງໄຊຍະບູລີ ຖືກນ້ຳຖ້ວມ, ໂດຍສະ ເພາະຢູ່ເມືອງໄຊຍະບູລີ ລະດັບແມ່ນໍ້າຮຸ່ງ ແມ່ນຂຶ້ນເຖິງຈຸດສ່ຽງໄພ ຢູ່ໃນລະດັບ 5-6,5 ແມັດ, ຈຸດອັນຕະລາຍແມ່ນ 7 ແມັດ.

ຕໍ່ກັບເຫດການດັ່ງກ່າວ, ຄະນະກໍາມະການຄຸ້ມຄອງໄພພິບັດຂັ້ນແຂວງ ແລະ ການນໍາທຸກພາກສ່ວນຂອງແຂວງ ໄດ້ເຝົ້າລະວັງ ແລະ ກະກຽມກໍາລັງພົນ 600 ກວ່າຄົນເພື່ອດຳເນີນການຊ່ວຍເຫລືອ ພໍ່ແມ່ປະຊາຊົນ ຜູ້ທີ່ໄດ້ຮັບຜົນກະທົນຈາກໄພທຳມະຊາດນ້ຳຖ້ວມ.

ທ່ານ ເພັດພິໄຊ ສູນວິໄລ ຮອງເຈົ້າແຂວງ ໄຊຍະບູລີ ຫົວ ໜ້າຄະນະກໍາມະການ ຄຸ້ມຄອງໄພພິບັດ ຂັ້ນແຂວງໄດ້ຖະແຫລງຂ່າວໃນວັນທີ 12 ສິງຫາ 2022 ນີ້ວ່າ: ເພື່ອເປັນການເຝົ້າລະວັງ ແລະ ຕອບໂຕ້ຕໍ່ໄພນໍ້າຖ້ວມທີ່ອາດຈະເກີດຂື້ນຢູ່ເທດສະບານແຂວງ ໄຊຍະບູລີ, ການນໍາຂອງແຂວງກໍ່ຄືຄະນະກໍາມະການຄຸ້ມຄອງໄພພິບັດ

ໄດ້ລົງຕິດຕາມກວດກາ ແລະ ໃຫ້ການຊ່ວຍເຫລືອ ຜູ້ທີ່ໄດຮັບຜົນກະທົບຈາກໄພ ພິບັດໃນເບື້ອງຕົ້ນ, ຮອດປະຈຸບັນ ຕາມການລາຍງານເບື້ອງຕົ້ນ ທົ່ວແຂວງເກີດມີນໍ້າຖ້ວມຢູ່ 5 ເມືອງ, ເສັ້ນທາງຕັດຂາດລະຫວ່າງເມືອງ ໄຊຍະບູລີ ຫາ ເມືອງ ຫົງສາ, ເນື້ອທີ່ການຜະລິດ ແລະ ສັດລ້ຽງຂອງປະຊາຊົນ ໄດ້ຮັບຜົນເສຍຫາຍຈໍານວນໜຶ່ງ.

ສະເພາະເທດສະບານເມືອງ ໄຊຍະບູລີ ລະດັບແມ່ນນໍ້າຮຸ່ງແມ່ນຂຶ້ນເຖິງຈຸດສ່ຽງໄພແລ້ວ, ສະນັ້ນ, ຈຶ່ງໄດ້ປະກາດພາວະສຸກເສີນແຈ້ງເຕືອນ ການເຝົ້າລະວັງຜ່ານທາງໂທລະໂຄ່ງຂອງແຕ່ລະບ້ານ, ແຈ້ງອອກທາງວິທະຍຸ ແລະ ໃຫ້ລົດໂຮງໝໍ, ຕໍາຫລວດ ເປີດໂວດແຈ້ງເຕືອນປະຊາຊົນຕາມຫົນທາງ,

ພ້ອມດຽວກັນກໍ່ໄດ້ລະດົມກໍາລັງພົນເພື່ອເຂົ້າຊ່ວຍເຫລືອປະຊາຊົນເມື່ອນໍ້າຂຶ້ນຖ້ວມ ເຊິ່ວມີກໍາລັງທະຫານແຂວງ, ທະຫານຮາບ, ຕໍາຫລວດ, ຊາວໜຸ່ມຈາກບັນດາພະແນກການອ້ອມຂ້າງແຂວງ, ລວມທັງມີໜ່ວຍກູ້ໄພແຂວງ ແລະ ແພດໝໍ, ນອກນີ້ ຍັງມີພາຫະນະປະເພດລົດບັນທຸກ ແລະ ລົດກະບະ, ລົດກູ້ຊີບກູ້ໄພ, ເຮືອ, ເຄື່ອງຜະລິດນໍ້າກິນ-ນໍ້າໃຊ້ ແລະ ຢາປົວພະຍາດຈໍານວນໜຶ່ງ.

ໃນຕອນເຊົ້າຂອງວັນດຽວກັນ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ໄດ້ໂອ້ລົມ ແລະ ໃຫ້ກໍາລັງໃຈກັບບັນດາກໍາລັງພົນ ເພື່ອຕອບໂຕ້ກັບໄພພິບັດທີ່ອາດຈະເກີດຂຶ້ນໂດຍສະເພາະແມ່ນ

ໄພນໍ້າຖ້ວມ ໂດຍແບ່ງເປັນກຸ່ມອອກລາດຕະເວນຢູ່ບັນດາບ້ານ ທີ່ມີຄວາມສ່ຽງລຽບແມ່ນໍ້າຮຸ່ງ ເພື່ອກຽມພ້ອມຊ່ວຍເຫລືອປະຊາຊົນໃຫ້ທ່ວງທັນກັບເຫດການ.

ຂ່າວ-ພາບ: ອຸ່ນເຮືອນ ໂພທິລັກ

ຂປລ

Related Posts

Leave a Reply

Your email address will not be published. Required fields are marked *