ແຂວງຫົວພັນຕ້ອນຮັບຄະນະຜູ້ແທນຂັ້ນສູງແຂວງແທັງຮວ່າ ສສ ຫວຽດນາມ.

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ແຂວງຫົວພັນຕ້ອນຮັບຄະນະຜູ້ແທນຂັ້ນສູງແຂວງແທັງຮວ່າ ສສ ຫວຽດນາມ.

ຕອນແລງຂອງວັນທີ 22 ສິງຫາ 2022 ນີ້, ຢູ່ທີ່ສວນແກ້ວຫຼັກເມືອງ ຄະນະນຳແຂວງ, ພະນັກງານລັດຖະກອນ ແລະ ປະຊາຊົນແຂວງຫົວພັນ ນຳໂດຍ ທ່ານ ວັນໄຊ ແພງຊຸມມາ ກຳມະການສູນກາງພັກ, ເລຂາພັກແຂວງ, ເຈົ້າແຂວງຫົວພັນ ໄດ້ເປັນກຽດຮັບຕ້ອນຄະນະຜູ້ແທນຂັ້ນສູງແຂວງແທັງຮວ່າ ແຫ່ງ ສສ ຫວຽດນາມ

ເຊິ່ງນຳໂດຍ ທ່ານ ລ້າຍ ເທ່ ຫງວຽນ ຮອງເລຂາພັກແຂວງຜູ້ປະຈຳການ, ຫົວໜ້າຄະນະສະມາຊິກສະພາແຫ່ງຊາດປະຈຳແຂວງແທັງຮວ່າ ເນື່ອງໃນໂອກາດທີ່ຄະນະດັ່ງກ່າວເດີນທາງມາຮ່ວມງານສັບປະດາວັດທະນະທຳມິດຕະພາບຫົວພັນ-ແທັງຮວ່າ ຢູ່ແຂວງຫົວພັນ.

ເຊິ່ງງານສັບປະດາວັດທະນະທຳມິດຕະພາບຫົວພັນ-ແທັງຮວ່າ ຈະຈັດຂື້ນໃນວັນທີ 22 ຫາ 24 ສິງຫາ 2022 ເຊິ່ງທັງສອງຄະນະຈະຈັດກິດຈະກຳຮ່ວມກັນ ເປັນຕົ້ນແມ່ນ: ວາງກະຕ່າດອກໄມ້ຢູ່ອະນຸສອນສະຖານ ທ່ານ ໄກສອນ ພົມວິຫານ ແລະ ທ່ຽວຊົມເຂດອະນຸສອນສະຖານ ຢູ່ເມືອງວຽງໄຊ; ໄຕ້ທູບທຽນ ແລະ ວາງພວງມາລາຢູ່ອະນຸສາວະລີຫວຽດນາມ-ອະນຸສາວະລີລາວ;

ເຂົ້າຮ່ວມງານມິດຕິງສະເຫຼີມສະຫຼອງປີສາມັກຄີມິດຕະພາບ ລາວ-ຫວຽດນາມ ປະຈຳປີ 2022 ( ງານສັບປະດາວັດທະນະທຳມິດຕະພາບ ຫົວພັນ-ແທັງຮວ່າ ປະຈຳປີ 2022); ຈັດກິດຈະກຳແຂ່ງຂັນກິລາບານເຕາະ, ເປຕັງ, ດຶງເຊືອກ ແລະ ຈັດງານແລກປ່ຽນສີລະປະລະຫວ່າງສອງແຂວງ.

ທັງໝົດນັ້ນ, ເພື່ອສະເຫຼີມສະຫຼອງສອງວັນປະຫວັດສາດລາວ – ຫວຽດນາມ ກໍຄື ວັນສ້າງຕັ້ງສາຍພົວພັນທາງການທູດລາວ-ຫວຽດນາມ ຄົບຮອບ 60 ປີ ( 5 ກັນຍາ 1962–5 ກັນຍາ 2022 ແລະ ວັນສົນທິສັນຍາມິດຕະພາບ ແລະ ການຮ່ວມມື ລາວ-ຫວຽດນາມ

ຄົບຮອບ 45 ປີ ( 18 ກໍລະກົດ 1977–18 ກໍລະກົດ 2022); ພ້ອມກັນນັ້ນ ທັງເປັນການສະເຫຼີມສະຫຼອງວັນເຊັນສົນທິສັນຍາມິດຕະພາບລະຫວ່າງສອງແຂວງ ຫົວພັນ-ແທັງຮ່ວາ ຄົບຮອບ 55 ປີ ( 2 ພຶດສະພາ 1967-2 ພຶດສະພາ 2022).

ຂ່າວ-ພາບ: ໄອແກ້ວ

Related Posts

Leave a Reply

Your email address will not be published. Required fields are marked *