ປະຊາຊົນ 3 ບ້ານ ຂອງເມືອງທ່າແຕງ ໄດ້ຮັບທຶນສົ່ງເສີມການຜະລິດ 1 ຕື້ກວ່າກີບ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


#ທະນາຄານນະໂຍບາຍ ສາຂາອັດຕະປຶ,ໜ່ວຍບໍລິການ #ເມືອງລະມາມ #ແຂວງເຊກອງ ໄດ້ປ່ອຍສິນເຊື່ອດ້ວຍຫຼາຍຮູບແບບ ເພື່ອປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ແລະ ແກ້ໄຂຄວາມທຸກຍາກຂອງປະຊາຊົນບັນດາເຜົ່າພາຍໃນເມືອງທ່າແຕງ

ດ້ວຍອັດຕາດອກເບ້ຍຕໍ່າໄລຍະກາງ 5 ປີ 6% ແລະ ໄລຍະຍາວ 7 ປີ 7% ໃຫ້ປະຊາຊົນບັນດາເຜົ່າ ທີ່ບໍ່ທັນພົ້ນທຸກ ແລະ ຍັງມີຄວາມຕ້ອງການທາງດ້ານເຕັກນິກ,ທຶນຮອນ ແລະ ປັດໃຈເຂົ້າການປູກຝັງ-ລ້ຽງສັດອື່ນໆ .

ການອະນຸມັດປ່ອຍສິນເຊື່ອແຫຼ່ງທຶນປະຈຳປີ 2022 ມີຈຳນວນເງິນ 1 ຕື້ 210 ລ້ານກີບ ໃນນີ້:ໄດ້ປ່ອຍໃຫ້ບັນດາ 3 ບ້ານເປົ້າໝາຍ ຄື: ບ້ານ ທົ່ງຫວາຍ,ບ້ານ ໂທນນ້ອຍ ແລະ ບ້ານ ກັນດອນໃໝ່,ຈຳນວນ 73 ຄອບຄົວ ເພື່ອຊຸກຍູ້ສົ່ງເສີມປະຊາຊົນປູກມັນຕົ້ນ.

ໂດຍພິທີມອບເງິນໄດ້ມີຂຶ້ນໃນວັນທີ 24-25 ສິງຫາ 2022 ເປັນກຽດມອບແມ່ນທ່ານ ອຳໄພ ແກ້ວສີປະເສີດ ຮອງຂະແໜງບັນຊີ ທະນາຄານນະໂຍບາຍສາຂາອັດຕະປຶ ໜ່ວຍບໍລິການເມືອງລະມາມ ແຂວງ ເຊກອງ ແລະ ຮັບໂດຍ ທ່ານ ສຸພົນ ໄຊສະຫງ່າ

ຮອງເຈົ້າເມືອງ ທັງເປັນປະທານ ຄະນະກຳມະການຄຸ້ມຄອງສິນເຊື່ອແຫຼ່ງທືນຂັ້ນເມືອງທ່າແຕງ ແລະ ມອບຕໍ່ ໃຫ້ແກ່ຫົວໜ້າກຸ່ມເງິນກູ້ 3 ບ້ານຄື: ບ້ານ ທົ່ງຫວາຍ,ບ້ານ ໂທນນ້ອຍ ແລະ ບ້ານ ກັນດອນໃໝ່.

ໃນໂອກາດດັ່ງກ່າວທ່ານ ບົວວັນ ບຸນສະໜອງ ຫົວໜ້າທະນາຄານນະໂຍບາຍ ໜ່ວຍບໍລິການເມືອງລະມາມ ແຂວງ ເຊກອງ ແລະ ຄະນະກຳມະການຄຸ້ມຄອງສິນເຊື່ອແຫຼ່ງທືນຂັ້ນເມືອງທ່າແຕງ ກໍໄດ້ຜັດປ່ຽນກັນຂຶ້ນໂອ້ລົມ ກ່ອນອື່ນທ່ານໄດ້ຊີ້ແຈ້ງມາດຖານເງື່ອນໄຂໃນການປ່ອຍເງິນກູ້ນະໂຍບາຍ ຂອງທະນາຄານນະໂຍບາຍ

ເພື່ອໃຫ້ໜັກແໜ້ນ,ກະຈາງແຈ້ງຂຶ້ນຕື່ມ ພ້ອມເນັ້ນໜັກໃນຄວາມຮັບຜິດຊອບຂອງຫົວໜ້າກຸ່ມ ແລະ ຊາວກະສິກອນ ກໍ່ຄືພໍ່ແມ່ປະຊາຊົນບັນດາເຜົ່າທີ່ຈະນຳເອົາເງິນກູ້ດັ່ງກ່າວໄປລົງທືນເຂົ້າໃນການປູກມັນຕົ້ນໃຫ້ມີສະຕິຕື່ນຕົວໃນການບໍລິຫານເງິນດັ່ງກ່າວ ເພື່ອໃຫ້ຖືກຕ້ອງຕາມລະບຽບຂອງທະນາຄານວາງອອກຢ່າງເຂັ້ມງວດ.

ຂ່າວ-ພາບ: ເຈີນ ແດນວົງວິຈິດ

Related Posts

Leave a Reply

Your email address will not be published. Required fields are marked *