ສະພາບລົດຮຸ່ນໄດຖືກນ້ຳພັດໄຫລ ທີ່ເມືອງຫຼາ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ເຫດການລົດຮຸ່ນໄດຖືກນ້ຳພັດໄຫລ ທີ່ເມືອງຫຼາ

ເມືອງຫຼາ ໄດ້ຮັບຜົນກະທົບຈາກໄພນ້ຳຖ້ວມອີກຄັ້ງເມື່ອມີຝົນຕົກໜັກຕໍ່ເນື່ອງ ປະມານເວລາ 7 ໂມງເຊົ້າຂອງ ວັນທີ 20 ກັນຍານີ້.

ໄດ້ເຮັດໃຫ້ເສັ້ນທາງຄົມມະນາຄົມຂາດ, ເສາະເຈື່ອນ ແລະ ດິນຖົມຢູ່ຫຼາຈຸດ ໂດຍສະເພາະແມ່ນເຂດທີ່ກຳລັງຟື້ນຟູຄືນຈາກເຫດການນ້ຳຖ້ວມທີ່ຜ່ານມາ ໄດ້ສ້າງຄວາມເສຍຫາຍຢ່າງຫຼວງຫຼາຍໃຫ້ແກ່ຊັບສິນ.

ຈາກເຫດການໃນຄັ້ງນີ້ໄດ້ເຮັດໃຫ້ລົດ 6 ລໍ ຮຸ່ນໄດ ທະບຽນປ້າຍ 1734 ກຳແພງນະຄອນ ຖືກນ້ຳພັດໄຫຼໄປຕາມລ້ອງນ້ຳຫຼາ ປະມານ 80 ແມັດ, ເຮັດໃຫ້ລົດດັ່ງກ່າວເປເພໜັກໜວງ.

ທ່ານ ນາງ ສີ ຢູ່ບ້ານຊຽງຢືນ ເມືອງສິງ ແຂວງຫຼວງນ້ຳທາ ໄດ້ໃຫ້ຮູ້ວ່າ: ຕອນເຊົ້າປະມານເວລາ 6 ໂມງ30 ນາທີ ໄດ້ພາຄອບຄົວມາຢ້ຽມຢາມ ແລະ ກາບໄຫວ້ສັກກະລະບູຊາພະເຈົ້າສິງຄຳໄຊຍາຣາມ ຂະນະດຽວກັນເກີດມີຝົນຕົກໜັກ

ຈາກນັ້ນໄດ້ພ້ອມຄອບຄົວກັບມາຮອດຈຸດເກີດເຫດດັ່ງກ່າວ ນ້ຳໄຫຼມາຢ່າງໄວວາ ທັງໃສ່ຈຸດລົດມາຮອດ ຈຶ່ງເຮັດໃຫ້ດິນເຈື່ອນລົງ ເຮັດໃຫ້ລົດບໍ່ສາມາດຖອຍກັບໄດ້ ຄອບຄົວຈຶ່ງພາກັນອອກຈາກລົດເພື່ອຊອກວິທີທາງແກ້ໄຂໂດຍດ່ວນຈຶ່ງບໍ່ມີຜູ້ຖືກບາດເຈັບ ຫຼັງຈາກນັ້ນນ້ຳແຮງຂຶ້ນຈຶ່ງເກີດດິນເຈື່ອນໃສ່ຈຸດລົດຈອດພໍດີ .

ທ່ານ ນາງວອນ ເຈົ້າຂອງລົດ ຍັງໃຫ້ຮູ້ຕືມອີກວ່າ ລົດດັ່ງກ່າວເປັນລົດທີ່ຄອບຄົວຂອງນາງ ສີ ໄດ້ຢືມຈາກຄອບຄົວຂອງຕົນເອງ ຂອງທ່ານ ສົມເພັດ ຢູ່ບ້ານດອນໄຊ ເມືອງໄຊ ແຂວງອຸດົມໄຊ ເພື່ອພາຄອບຄົວໄປຢ້ຽມຢາມ ແລະ ກາບໄຫວ້ພະເຈົ້າສິງຄຳ.

ລົດດັ່ງກ່າວແມ່ນໄດ້ຊື້ຕໍ່ມືສອງ ແລະ ໄດ້ຮັບໃຊ້ຄອບຄົວ ພຽງປະມານ 1 ເດືອນກວ່າ. ລວມມູນຄ່າຊື້ລົດແມ່ນ 62 ລ້ານກີບ.

ຂໍ້ມູນ: ວົງເດືອນ ຄຳສະຫວັນ

Related Posts

Leave a Reply

Your email address will not be published. Required fields are marked *