ຫ້າມສວຍໂອກາດຂຶ້ນລາຄາຄ່າຝາກລົດໃນງານບຸນອອກພັນສາປະວໍລະນາ ແລະ ຊ່ວງເຮືອ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


🔥 ໃນແຕ່ລະປີຜ່ານມາ, ມີຫາງສຽງເກີດຂຶ້ນເປັນປະຈໍາກ່ຽວກັບການສວຍໂອກາດຂຶ້ນລາຄາຄ່າຝາກລົດໃນງານບຸນອອກພັນສາປະວໍລະນາ ແລະ ຊ່ວງເຮືອ ທີ່ນະຄອນຫລວງວຽງຈັນ ເນື່ອງຈາກຜູ້ໄດ້ຮັບສໍາປະທານບໍລິການຝາກລົດບໍ່ປະຕິບັດຕາມລະບຽບການທີ່ຄະນະກໍາມະການຈັດງານວາງອອກ.

ດັ່ງນັ້ນ, ປີນີ້ ຄະນະກໍາມະການຈັດງານດັ່ງກ່າວໄດ້ວາງມາດຕະການຮອງຮັບໄວ້ແລ້ວເພື່ອບໍ່ໃຫ້ບັນຫານີ້ເກີດຂຶ້ນອີກ.

​ທ່ານ ແກ້ວປະເສີດ ໄຊປັນຍາ, ຮອງເຈົ້າເມືອງຈັນທະບູລີ, ທັງເປັນຮອງປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອ ທີ່ນະຄອນຫລວງວຽງຈັນ ປະຈໍາປີ ຄສ 2022 ໃຫ້ສໍາພາດຜ່ານລາຍການຍົກບັນຫາມາສົນທະນາຂອງວິທະຍຸກະຈາຍສຽງແຫ່ງຊາດລາວ

ເຊີ່ງອອກອາກາດໃນຕອນບ່າຍວັນທີ 22 ກັນຍາ 2022 ວ່າ: ຄະນະອະນຸກໍາມະການເສດຖະກິດ-ສະຖານທີ່ຂອງການຈັດງານປີນີ້ ໄດ້ປະຊຸມຮ່ວມກັນແລ້ວ ໂດຍຈະຫລຸດຈໍານວນມູນຄ່າການຈອງຮັບເໝົາຈຸດຝາກລົດລົງ ແລະ ບໍ່ຄິດໄລ່ສູງ, ພ້ອມນີ້ ຈະມີບົດບັນທຶກ ແລະ ສັນຍາກັບຜູ້ມາຮັບເໝົາຝາກລົດໃນແຕ່ລະຈຸດຢ່າງລະອຽດ,

ລວມເຖີງໄດ້ກໍານົດຄ່າຝາກລົດເທົ່າກັບທີ່ເຄີຍປະຕິບັດໃນປີຜ່ານມາ ຄື: ລົດໃຫຍ່ 20.000ກີບ/ຄັນ, ຕຸກໆ-ຈໍາໂບ້ 15.000ກີບ/ຄັນ, ລົດຈັກ 10.000ກີບ/ຄັນ ແລະ ລົດຖີບ 5.000ກີບ/ຄັນ.

​ທ່ານກ່າວຢໍ້າຕື່ມວ່າ: ໃນແຕ່ລະຈຸດບໍລິການຝາກລົດຈະໃຫ້ຂຽນປ້າຍກໍານົດລາຄາຄ່າບໍລິການຝາກລົດແຕ່ລະປະເພດ, ພ້ອມດ້ວຍເບີໂທລະສັບຕິດຕໍ່ກັບຄະນະກໍາມະການຈັດງານຢ່າງລະອຽດ ແລະ ຈະມີເຈົ້າໜ້າທີ່ກ່ຽວຂ້ອງລົງໄປຕິດຕາມຢ່າງຕໍ່ເນື່ອງ ຖ້າພົບເຫັນຜູ້ລະເມີດ ຫລື ບໍ່ປະຕິບັດຕາມປ້າຍລາຄາທີ່ຕິດໄວ້ຈະມີມາດຕະການຢ່າງເໝາະສົມ.

ນອກຈາກນີ້ ປີນີ້ ຈະບໍ່ໃຫ້ເກີດມີບັນຫາມາຂໍສໍໍາປະທານຈຸດຝາກລົດ ຫລື ຈຸດຂາຍເຄື່ອງໄດ້ແລ້ວ ແຕ່ໄປຂາຍຕໍ່ໃຫ້ຄົນອື່ນ ເຊີ່ງເປັນສາເຫດເຮັດຜູ້ໄປຮັບສໍາປະທານຄົນສຸດທ້າຍຕ້ອງຂຶ້ນລາຄາຄ່າບໍລິການ ຫລື ຂຶ້ນລາຄາສິນຄ້າຍ້ອນເສຍຄ່າເຊົ່າສະຖານທີ່ແພງ ເຊີ່ງໃນກໍລະນີນີ້ຖ້າພົບເຫັນແມ່ນຈະໃຫ້ຢຸດເຊົາບໍ່ໃຫ້ບໍລິການອີກຕໍ່ໄປ.

FM 90 ລາຍງານ

Related Posts

Leave a Reply

Your email address will not be published.