26 ປີຜ່ານມາ ລາວ ສາມາດສຳຫລວດ ກວດກູ້ ລະເບີດບໍ່ທັນແຕກ ໄດ້ພຽງ 1%.

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


26 ປີຜ່ານມາ ລາວ ສາມາດສຳຫລວດ ກວດກູ້ ລະເບີດບໍ່ທັນແຕກ ໄດ້ພຽງ 1%.

ນັບແຕ່ປີ 1996 ຈົນຮອດປັດຈຸບັນ(1996-2022), ລັດຖະບານລາວ ກໍຄືອົງການເກັບກູ້ລະເບີດ ແຫ່ງຊາດ ສາມາດຈັດຕັ້ງປະຕິບັດວຽກງານການ ສຳຫລວດກວດກູ້ລະເບີດບໍ່ທັນແຕກ ທີ່ຕົກຄ້າງຢູ່ ສປປ ລາວ ໄດ້ພຽງແຕ່ 1%,

ສ່ວນທີ່ຍັງເຫລືອ 99% ຖ້າທຽບໃສ່ພື້ນທີ່ໆໄດ້ຮັບຜົນກະທົບ ແມ່ນ 87 ພັນກິໂລຕາແມັດ ເຊິ່ງຄາດວ່າຈະໃຊ້ເວລາ 1.000 ກວ່າປີ ຈຶ່ງຈະສາມາດບັນລຸການສຳຫລວດກວດກູ້ໄດ້ ເພາະວ່າຈຸດພິເສດຂອງວຽກງານເກັບກູ້ລະເບີດ ຫລື ວ່າການແກ້ໄຂບັນຫາລະເບີດບໍ່ທັນແຕກ ຢູ່ ສປປ ລາວ ມັນຈະແຕກຕ່າງກັບປະເທດອື່ນ ມີພູຜາປ່າດົງຕຶບໜາ, ການເກັບກູ້ລະເບີດຕ້ອງໄດ້ເອົາໃຈໃສ່ ໃຊ້ເຕັກນິກ ແລະ ທຶນຮອນ.

ທ່ານ ໂຈມແຍງ ແພງທອງສະຫວັດ ຫົວໜ້າຫ້ອງການ ຄະນະກຳມະການຄຸ້ມຄອງແຫ່ງຊາດ ເພື່ອການແກ້ໄຂບັນຫາລະເບີດບໍ່ທັນແຕກ ທີ່ຕົກຄ້າງຢູ່ ສປປ ລາວ ໄດ້ໃຫ້ສຳພາດຕໍ່ນັກຂ່າວເມື່ອບໍ່ດົນມານີວ່າ:ຕະຫລອດໄລຍະ 26 ປີຜ່ານມານີ້, ບັນຫາລະເບີດບໍ່ທັນແຕກຢູ່ລາວ ໄດ້ສົ່ງຜົນກະທົບຕໍ່ການດຳລົງຊີ ວິດຂອງໃຫ້ປະຊາຊົນ ກໍຄືການພັດທະນາເສດຖະກິດ-ສັງຄົມ ຢ່າງຕໍ່ເນື່ອງ ຊຶ່ງປີ 2021 ແມ່ນມີຜູ້ໄດ້ຮັບຜົນກະທົບຈາກລະເບີດບໍ່ທັນແຕກທັງໝົດ 63 ຄົນ.

ຢ່າງໃດກໍຕາມ ລັດຖະບານກໍໄດ້ເອົາໃຈໃສ່ໃນການຄຸ້ມຄອງການຕິດຕາມ ແລະ ອຳນວຍຄວາມສະດວກ ໃນການເຄື່ອນໄຫວແກ້ໄຂບັນຫາລະເບີດບໍ່ທັນແຕກເຊັ່ນ: ການໂຄສະນາສຶກສາຄວາມສ່ຽງໄພ, ການສຳຫລວດການກວດກູ້ ແລະ ການຊ່ວຍເຫລືອຜູ້ຖືກເຄາະຮ້າຍ.

ຄຽງຄູ່ກັນນັ້ນ ຍັງໄດ້ອຳນວຍຄວາມສະດວກໃຫ້ແກ່ທຸກອົງການ ທີ່ປະຕິບັດງານ ທັງພາຍໃນ ແລະ ຕ່າງປະເທດ ທີ່ມີຈຸດປະສົງທີ່ຈະແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ ເພື່ອເປັນການພັດທະນາເສດຖະກິດ-ສັງຄົມ.

ສ່ວນການຈັດຕັ້ງປະຕິບັດວຽກງານຕົວຈິງ ຂອງອົງການປະຕິບັດງານເຄື່ອນໄຫວຢູ ສປປ ລາວ ແມ່ນໄດ້ຜັດປ່ຽນໄປເປັນແຕ່ລະແຂວງ, ສຳລັບປີນີ້ ໄດ້ເລືອກເອົາແຂວງສາລະວັນ ຊຶ່ງເປັນແຂວງທີ່ລະເບີດຕົກຄ້າງເປັນອັນດັບ 4 ຂອງປະເທດ.

ຂ່າວ-ພາບ: ສຸກສະຫວັດ

Related Posts

Leave a Reply

Your email address will not be published. Required fields are marked *