ເຈົ້າໜ້າທີ່ຈັບຄົນຮ້າຍ 2 ຄົນ ໃຊ້ປືນປຸ້ນຈີ້ເອົາລົດຈັກ ໄປດຳເນີນຄະດີ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ຕິດຕາມຈັບເປົ້າໝາຍກໍ່ເຫດປຸ້ນຊັບພົນລະເມືອງມາດໍາເນີນຄະດີ, ພາຍຫຼັງທີ່ໄດ້ຮັບແຈ້ງຄວາມຈາກຜູ້ເສຍຫາຍ ແລະ ສາມາດຈັບຜູ້ກໍ່ເຫດໄດ້ 2 ຄົນ ພ້ອມທັງອາວຸດປືນສັ້ນ ແລະ ຂອງກາງລົດຈັກໄປດໍາເນີນຄະດີ.

ພັທ ສຸລິວັນ ແກ້ວມະນີວົງ ຮອງຫົວໜ້າກອງບັນຊາການ ປກສ ເມືອງໄຊທານີ ໃຫ້ສຳພາດຕໍ່ນັກຂ່າວປ້ອງກັນສະຫງົບ ວ່າ: ໃນວັນທີ 12 ກັນຍາ 2022 ຜ່ານມາ,

ເຈົ້າ ໜ້າທີ່ວິຊາສະເພາະ ກອງບັນຊາການ ປກສ ເມືອງໄຊທານີ ໄດ້ຮັບແຈ້ງຄວາມຈາກຜູ້ຖືກເສຍຫາຍຢູ່ບ້ານນາ ເມືອງໄຊທານີ ວ່າ: ມີກຸ່ມຄົນບໍ່ດີຈໍານວນ 2 ຄົນໄດ້ນໍາໃຊ້ປືນສັ້ນມາຈີ້-ປຸ້ນເອົາລົດຈັກຂອງຕົນ ພ້ອມທັງຍິງປືນນາບຂູ່ 1 ບາດ ແລ້ວເອົາຕົວຫຼົບໜີ;

ຈາກນັ້ນ, ເຈົ້າໜ້າທີ່ວິຊາສະເພາະຂອງກອງບັນຊາການ ປກສ ເມືອງໄຊທານີ ຈຶ່ງໄດ້ສົມທົບກັບກອງພັນເຄື່ອນທີ່ນະຄອນຫຼວງວຽງຈັນ, ປກສ ກຸ່ມບ້ານໄຊ ແລະ ການຈັດ ຕັ້ງບ້ານດ່ານຊ້າງ ຕິດຕາມແກ້ໄຂເປົ້າໝາຍ ສາມາດຈັບຕົວຜູ້ກໍ່ເຫດ ຊື່ ທ້າວ ພອນສະຫວັນ ຫຼື ຈ່ອຍ ອາຍຸ 18 ປີ

ຢູ່ບ້ານໜອງບົວທອງເໜືອ ເມືອງສີໂຄດຕະບອງ ແລະ ທ້າວ ພິມມະສອນ ຫຼື ແຫຼ້ ອາຍຸ 17 ປີ ຢູ່ບ້ານດ່ານຊ້າງ ເມືອງໄຊທານີ ພ້ອມຂອງກາງອາວຸດປືນສັ້ນ 1 ກະບອກ, ປືນຍາງສີດໍາ 1 ກະບອກ ແລະ ລົດຈັກຢາມາຮາສີ ດໍາແດງ 1 ຄັນ ໄປສອບສວນ.

ຜ່ານການສອບສວນພວກກ່ຽວສາລະພາບວ່າ: ໄດ້ພາກັນເຄື່ອນໄຫວປຸ້ນຊັບ ແລະ ຊີງຊັບມາແລ້ວ ຈໍານວນ 6 ຄັ້ງ ແລະ ຄັ້ງຫຼ້າສຸດແມ່ນໃນວັນທີ 12 ກັນຍາ 2022, ເວລາ 3:00 ໂມງເຊົ້າ

ພວກກ່ຽວໄດ້ພາກັນນໍາໃຊ້ປືນສັ້ນຈີ້ປຸ້ນເອົາລົດຂອງ ທ້າວ ບຸນລອດ ພ້ອມທັງຍິງນາບຂູ່ 1 ບາດ ແລ້ວເອົາຕົວຫຼົບໜີ. ນອກຈາກນັ້ນ, ທ້າວ ພອນສະຫວັນ ຍັງໄດ້ຮ່ວມກັບໝູ່ອີກ 2 ຄົນ ຊິງຊັບມາແລ້ວຫຼາຍຄັ້ງ, ເຊິ່ງພາຫະນະນໍາໃຊ້ກໍ່ເຫດແມ່ນລົດຈັກພີຊີເອັກ ສີຂາວ ບໍ່ມີປ້າຍທະບຽນ 2 ຄັນ.

ຕໍ່ກັບເຫດການທີ່ກ່າວມາຂ້າງເທິງນັ້ນ, ແມ່ນເປັນອີກປະກົດການຫຍໍ້ທໍ້ໜຶ່ງທີ່ໄດ້ສ້າງຄວາມບໍ່ສະຫງົບໃຫ້ແກ່ສັງຄົມ. ແຕ່ເຖິງຢ່າງໃດກໍຕາມ, ເຈົ້າ ໜ້າທີ່ວິຊາສະເພາະຂອງກໍາລັງປ້ອງກັນຄວາມສະຫງົບ ກໍໄດ້ເອົາໃຈໃສ່ສຸມສະຕິປັນຍາ, ເຫື່ອແຮງ

ເພື່ອເລັ່ງກວດກາຕິດຕາມຈັບບັນດາເປົ້າໝາຍດັ່ງກ່າວມາດໍາເນີນຄະດີຕາມລະບຽບກົດໝາຍ, ໂດຍສະເພາະກໍແມ່ນເຈົ້າໜ້າທີ່ວິຊາສະເພາະຂອງກອງບັນຊາການ ປກສ ເມືອງໄຊທານີ.

ທັງນີ້, ກໍເພື່ອແນໃສ່ເຮັດໃຫ້ເມືອງໄຊທານີ ກໍຄືນະຄອນຫຼວງວຽງຈັນ ມີຄວາມສະຫງົບ-ປອດໄພ ແລະ ມີລະບຽບຮຽບຮ້ອຍ.

Related Posts

Leave a Reply

Your email address will not be published. Required fields are marked *