ນວ ຮ່ວມ​ກັບ​ຜູ້​ປະ​ກອບ​ການ ນຳ​ເຂົ້າ​ອອກ​ຈຳ​ໜ່າຍ ເພື່ອແຊກແຊງລາຄາ

Sponsor by sokxay plus

ວີທີຊື້ເລກ ໄດ້ຮັບເງີນຄືນ 10% ໄດ້ແທ້ 100%

                 

ພຽງເທົ່ານີ້ ກໍ່ຮັບໄປເລີຍ ສ່ວນຫຼຸດ 10% ງ່າຍ


ນວ ຮ່ວມ​ກັບ​ຜູ້​ປະ​ກອບ​ການ ນຳ​ເຂົ້າ​ອອກ​ຈຳ​ໜ່າຍ ເພື່ອແຊກແຊງລາຄາ

ພະ​ແນກ​ການ​ຄ້າ​ນະ​ຄອນຫຼວງວຽງ​ຈັນ (ອ​ຄ ນວ) ຮ່ວມ​ກັບ​ບໍ​ລິ​ສັດ ຄໍາແພງເພັດ ແຈ້ງສະຫວ່າງ ສົ່ງເສີມການກະເສດ ຂາອອກ-ຂາເຂົ້າຈຳກັດຜູ້ດຽວ ໄດ້​ນຳ​ເອົາ​ເຂົ້າ​ສານ​ໜຽວ​ປະ​ເພດ 2 ​ຈຳ​ນວນ 340 ໂຕນ ມາ​ຈຳ​ໜ່າຍ​ໃນ​ລາ​ຄາ 9.700 ກີບຕໍ່​ກິ​ໂລກ​ຣາມ

ເຊິ່ງ​ຈຸດ​ຈຳ​ໜ່າຍ ຢູ່​ທີ່ບໍລິສັດ ຄຳແພງເພັດ ແຈ້ງສະຫວ່າງ ສົ່ງເສີມການກະເສດ ຂາອອກ-ຂາເຂົ້າ ຈຳກັດຜູ້ດຽວ ຕັ້ງຢູ່ບ້ານນາສ້ຽວ ຖະໜົນສີເກີດ-ດົງໂດກ ເມືອງ ນາຊາຍທອງ

ເລີ່ມຂາຍເວລາແຕ່ 8:00 ໂມງ-17:00 ໂມງ ວັນຈັນ-ວັນສຸກ ຕັ້ງແຕ່ວັນທີ 24 ຕຸລາ-24 ທັນວາ 2022.

ທ່ານ ນັນຕາ ສານຸວົງ ຮອງຫົວໜ້າພະແນກ ອຄ ນວ ກ່າວວ່າ: ​ພະ​ແນກ ອ​ຄ ນວ ໄດ້ປະຕິບັດຕາມພາລະບົດບາດຂອງຄະນະຄຸ້ມຄອງລາຄາສິນຄ້າແລະ ຄ່າບໍລິການ ຂັ້ນ ນວ

ໂດຍສະເພາະ ລາຄາສິນຄ້າ ແລະ ຄ່າບໍລິການຕ່າງໆທີ່ມີຜົນກະທົບໄວຕໍ່ການດຳລົງຊີວິດການເປັນຢູ່ຂອງປະຊາຊົນ ແລະ ການພັດທະນາເສດຖະກິດ-ສັງຄົມ ເປັນຕົ້ນ ລາຄາສິນຄ້າປະເພດເຂົ້າກິນ ທີ່ເປັນສິນຄ້າຄວບຄຸມລາຄາ ໃນບັນຊີ ກ ແລະ ເປັນສິນຄ້າທີ່ມີຄວາມຕ້ອງການບໍລິໂພກຫຼາຍໃນສັງຄົມ

ເຊິ່ງເປັນອາຫານຫຼັກໃນຄົວເຮືອນ ລວມທັງໃນຮ້ານອາຫານ ແລະ ໂຮງແຮມຕ່າງໆ ຢູ່ ນວ.

ສະພາບລາຄາເຂົ້າກິນໃນໄລຍະ 6 ເດືອນຕົ້ນປີຜ່ານມາ ຢູ່ ນວ ເຫັນວ່າລາຄາເຂົ້າກິນໄດ້ປັບຂຶ້ນຢ່າງຕໍ່ເນື່ອງ ຄືສະພາບລາຄາເຂົ້າກິນຢູ່ ນວ ໃນຕົ້ນປີ 2022 ມີທ່າອ່ຽງປັບຂຶ້ນລາຄາ,

ມາຮອດປັດຈຸບັນ ລາຄາເຂົ້າເປືອກໜຽວ ສະເລ່ຍ 5.500 ກີບຕໍ່ກິໂລ ທຽບໃສ່ປີ 2021 ເພີ່ມຂຶ້ນ 34,14% ເຂົ້າສານໜຽວປະເພດ 2 ລາຄາສະເລ່ຍ 10.500 ກີບຕໍ່ກິໂລ ທຽບໃສ່ປີ 2021 ເພີ່ມຂຶ້ນ 36,36% ສາເຫດທີ່ເຂົ້າກິນໃນປີນີ້ມີລາຄາສູງຂຶ້ນ ຍ້ອນລາຄານໍ້າມັນເຊື້ອໄຟເພີ່ມ​ຂຶ້ນ, ອັດຕາແລກປ່ຽນ, ລາຄາປຸຍເພີ່ມ​ຂຶ້ນ, ສະພາບເງິນເຟີ້, ເຮັດໃຫ້ຄ່າຄອງຊີບສູງຂຶ້ນ ແລະ ອີກບັນຫາໜຶ່ງ ແມ່ນເນື່ອງຈາກວ່າໄລຍະນີ້ ເປັນລະດູການຜະລິດ

ເຊິ່ງເຮັດໃຫ້ຊາວນາບໍ່ຂາຍເຂົ້າອອກ ຈົນກວ່າການເກັບກ່ຽວເຂົ້ານາປີສຳເລັດ ຈຶ່ງມີການຂາຍເຂົ້າອອກ ເປັນສາເຫດໜຶ່ງຂອງແຕ່ລະປີ ໃນໄລຍະນີ້ ລາຄາເຂົ້າກິນມີການເໜັງຕີງເພີ່ມຂຶ້ນ

ສະເພາະປີນີ້ ແມ່ນເຫັນວ່າມີທ່າອ່ຽງເພີ່ມຂຶ້ນສູງ ເນື່ອງມາຈາກສະພາບລາຄາສິນຄ້າທຸກປະເພດເພີ່ມຂຶ້ນ.

ສະນັ້ນ ເພື່ອປະຕິບັດຕາມທິດຊີ້ນຳຂອງຂັ້ນເທິງໃນການຈັດຕັ້ງປະຕິບັດວຽກງານຄຸ້ມຄອງລາຄາເຂົ້າສານ ແລະ ດັດສົມຕະຫຼາດໃຫ້ມີປະສິດທິຜົນ ແລະ ຮັບປະກັນໃຫ້ມີສະຖຽນລະພາບທາງດ້ານລາຄາ ມີຄວາມໝັ້ນຄົງທາງດ້ານການສະໜອງ

ບໍ່ໃຫ້ມີຜົນກະທົບບໍ່ດີຕໍ່ສັງຄົມ ຫຼີກລ່ຽງສະພາບເຂົ້າກິນຂາດຕະຫຼາດ ແລະ ການເກງກໍາໄລທີ່ບໍ່ສົມເຫດສົມຜົນ ເຊິ່ງກໍ່ໃຫ້ເກີດຄວາມວຸ່ນວາຍພາຍໃນ ນວ.

​ທ່ານ ຮອງຫົວໜ້າພະແນກ ອຄ ນວ ກ່າວ​ອີກວ່າ: ພະແນກ ອຄ ນວ ໄດ້ຈັດປະຊຸມຮ່ວມກັບ ບໍລິສັດ ຄຳແພງເພັດ ແຈ້ງສະຫວ່າງ ສົ່ງເສີມການກະເສດຂາອອກ-ຂາເຂົ້າ ຈໍາກັດຜູ້ດຽວ ແລະ ກຸ່ມໂຮງສີເຂົ້າຢູ່ໃນ ນວ ໃຫ້ນຳເອົາສິນຄ້າປະເພດເຂົ້າສານໜຽວປະເພດ 2 ອອກຈຳໜ່າຍສູ່ສັງຄົມ

ໃນລາຄາທີ່ລັດຊີ້ນຳ ໂດຍເຂົ້າສານໜຽວປະເພດ 2 ລາຄາສູງສຸດ​ຂາຍບໍ່ໃຫ້ເກີນ 9.700 ກີບຕໍ່ກິໂລ​ ມີຈໍານວນທັງໝົດ 340 ໂຕນ ເພື່ອ​ເປັນ​ທາງ​ເລືອກ​ໃຫ້​ປະ​ຊາ​ຊົນ​ຊື້​ໄປ​ບໍ​ລິ​ໂພກ ໂດຍເລີ່ມຂາຍຕັ້ງແຕ່​ເວ​ລາ 8:00 ໂມງ-17:00 ໂມງ ວັນຈັນ-ວັນສຸກ

ເຊິ່ງຈະໄດ້ດຳເນີນການເປີດບໍລິການເປັນເວລາ 60 ວັນ ແຕ່ວັນທີ 24 ຕຸລາ-24 ທັນວາ 2022 ແລະ ມີແຜນຈະສືບຕໍ່ປະຕິບັດໄປແຕ່ໄລຍະຕື່ມອີກ.

ຂໍ້​ມູນ​ຈາກ​ໜັງ​ສື​ພິມ​ວຽງ​ຈັນ​ໃໝ່

Related Posts

Leave a Reply

Your email address will not be published. Required fields are marked *