ທ່ານ ປະຢຸດ ຈັນໂອຊາ ນາຍົກລັດຖະມົນຕີ ຂອງໄທ ໄດ້ຮັບຄະແນນສຽງໄວ້ວາງໃຈໃຫ້ປະຕິບັດໜ້າທີ່ຕໍ່ໄປ

ໃນວັນທີ 4 ກັນຍາ 2021 ນີ້, ກອງປະຊຸມຜູ້ແທນປະຊາຊົນຂອງໄທ ໄດ້ລົງມະຕິໃນຍັດຕິອະທິປາຍບໍ່ໄວ້ວາງໃຈຕໍ່ ທ່ານ ປະຢຸດ ຈັນໂອຊາ ນາຍົກລັດຖະມົນຕີ ແລະ ລັດຖະມົນຕີ 5 ຄົນ. ພາຍຫລັງມີການເປີດອະທິປາຍມາແຕ່ວັນທີ 31 ສິງຫາ – 03 ກັນຍາ 2021.

ຜົນຂອງການລົງມະຕິ ທ່ານ ປະຢຸດ ຈັນໂອຊາ ນາຍົກລັດຖະມົນຕີ ຂອງໄທ ແລະ ລັດຖະມົນຕີທັງ 5 ທ່ານ ແມ່ນໄດ້ຮັບຄະແນນສຽງໄວ້ວາງໃຈຫລາຍກ່ວາເຄິ່ງໜຶ່ງຂອງຜູ້ມີສິດລົງຄະແນນສຽງໃນສະພາ ໃຫ້ເຮັດໜ້າທີ່ຕໍ່ໄປ.

ໂດຍຜົນຄະແນນຄັ້ງນີ້, ທ່ານ ປະຢຸດ ຈັນໂອຊາ ໄດ້ຮັບຄະແນນສຽງໄວ້ວາງໃຈ 264 ສຽງ, ບໍ່ໄວ້ວາງໃຈ 208 ສຽງ, ບໍ່ລົງຄະແນນສຽງ 3 ສຽງ ແລະ ງົດອອກສຽງ 0 ສຽງ ຈາກຜູ້ລົງຄະແນນສຽງທັງໝົດໃນສະພາ 475 ຄົນ

Related Posts

Leave a Reply

Your email address will not be published. Required fields are marked *