ສປປ ລາວ ຈັບຕາ! ໂຄວິ ດ ສາຍພັນມູ (Mu) ຕິດຕາມການເດີນທາງເຂົ້າ-ອອກຢ່າງໃກ້ຊິດ
ທ່ານ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ໄດ້ໃຫ້ຮູ້ວ່າ: ໂຄວິ ດ ໄດ້ມີການພັດທະນາ ແລະ ປັບພັນທຸກຳເອງຂອງພວກມັນໄປເລື້ອຍໆ ຊຶ່ງໃນວັນທີ 30 ສິງຫາຜ່ານມາອົງການອະນາໄມໂລກໄດ້ອອກມາແຈ້ງວ່າສາຍພັນມູ (Mu) ລະຫັດ B.1.612 ເປັນສາຍພັນທີ່ໜ້າຈັບຕາເບິ່ງທີ່ສຸດ
ສາຍພັນນີ້, ພົບຄັ້ງທຳອິດຢູ່ປະເທດໂຄລຳເບຍ ໃນເດືອນມັງກອນປີ 2021 ແລະ ແຜ່ລະບາດໄປໃນຫຼາຍປະເທດຂອງທະວີບອາເມຣິກາໃຕ້, ທະວີເອີຣົບ, ປັດຈຸບັນສາຍພັນມູນີ້ພົບໃນ 42 ປະເທດ, 49 ລັດຂອງສະຫະລັດອາເມຣິກາ
ສຳລັບໃນ ສປປ ລາວ ຍັງບໍ່ທັນພົບສາຍພັນນີ້ ແຕ່ວ່າການເດີນທາງເຂົ້າ-ອອກແມ່ນຕ້ອງໄດ້ເອົາໃຈໃສ່ເຝົ້າລະວັງຢ່າງໃກ້ຊິດ ແລະ ຕິດຕາມການເກີດລະບາດໃນທົ່ວໂລກເພື່ອກຽມຄວາມພ້ອມ ແລະ ປະເມີນສະຖານະການກຽມພ້ອມຮັບມືໃນບ້ານເຮົາ.
