ສະຖ າ ນ ທູ ດ ໄທ ມອບເງິນ 500.000 ກວ່າບາດໃຫ້ ສປປ ລາວ ຕ້ານ ໂຄ ວິ ດ

ສະຖານທູດໄທ ມອບເງິນ 500.000 ກວ່າບາດໃຫ້ ສປປ ລາວ ຕ້ານ ໂຄ ວິ ດ

ຂປລ. ສະຖານທູດໄທ ປະຈໍາ ສປປ ລາວ ໄດ້ມອບເງິນຊ່ວຍເຫລືອ ເພື່ອປ້ອງກັນການລະບາດຂອງພະຍາດໂຄວິດ-19 ໃຫ້ແກ່ລັດຖະບານລາວ ຈຳນວນ 538.000 ບາດ ໂດຍໄດ້ມີພິທີມອບ-ຮັບໃນວັນທີ 9 ກັນຍາ 2021 ເຊິ່ງມອບໂດຍ ທ່ານ ເຈດສະດາ ກະຕະເວທິນ ເອກອັກຄະຣາຊະທູດໄທ ປະຈໍາ ສປປ ລາວ ແລະ ຮັບໂດຍ ທ່ານ ອາລຸນໄຊ ສູນນະລາດ ເລຂາຄະນະບໍລິຫານງານສູນກາງ ຊາວໜຸ່ມປະຊາຊົນ ປະຕິ ວັດລາວ, ມີພາກສ່ວນກ່ຽວຂ້ອງທັງສອງຝ່າຍ ເຂົ້າຮ່ວມ.

ການຊ່ວຍເຫລືອຄັ້ງນີ້, ເປັນການຮ່ວມກັນລະຫວ່າງສະຖານເອກອັກຄະຣາຊະທູດໄທ ປະຈຳ ສປປ ລາວ ແລະ ສະຖານກົງສຸນໃຫຍ່ໄທ ປະຈຳແຂວງສະຫວັນນະເຂດ ແນໃສ່ຕ້ານ ແລະ ປ້ອງກັນການລະບາດຂອງໂຄວິ ດ ໃນ ສປປ ລາວ ໂດຍຜ່ານສູນກາງຊາວໜຸ່ມປະຊາຊົນ ປະຕິວັດລາວ ເພື່ອສົ່ງໄປຊ່ວຍເຫລືອບັນດາແຂວງ ຂອງ ສປປ ລາວ ທີ່ກໍາລັງຮັບເອົາແຮງງານລາວ ທີ່ເດີນທາງກັບຄືນປະເທດຈຳ ນວນຫລວງຫລາຍ, ເຈົ້າໜ້າທີ່ດ່ານຕ່າງໆມີຄວາມສ່ຽງ ໃນການຕ້ອນຮັບແຮງງານເຫລົ່ານີ້ ໂດຍສະເພາະການກວດຫາເຊື້ອ ໂຄ ວິ ດ, ການບໍລິການດ້ານອາຫານ ແລະ ສະຫວັດດີການຂອງແຮງງານ.

ໃນທ້າຍເດືອນສິງຫາ ຜ່ານມາ, ທ່ານ ອະທິປັດ ໂຣດຈະນະໄພບູນ ກົງສຸນໃຫຍ່ໄທ ປະຈຳແຂວງສະຫວັນນະເຂດ ກໍໄດ້ມອບເງິນຈຳນວນ 200.000 ບາດ ໃຫ້ ທ່ານ ອາລຸນໄຊ ສູນນະລາດ ໃນໂອກາດທີ່ທ່ານເດີນທາງໄປຊຸກຍູ້ຄະນະສະເພາະກິດວິຊາການດ້ານຕ່າງໆ ຢູ່ສູນຈໍາກັດບໍລິເວນແຮງງານລາວ ທີ່ແຂວງສະຫວັນນະເຂດ.

ຂ່າວ-ພາບ: ສະຖານທູດໄທປະຈໍາລາວ

Related Posts

Leave a Reply

Your email address will not be published. Required fields are marked *