ມຊ ແຈ້ງ! ວັນທີ 25 ກັນຍາ ເປັນວັນສອບເສັງຄັດເລືອກເອົານັກສຶກສາເຂົ້າຮຽນ

ມຊ ແຈ້ງ! ວັນທີ 25 ກັນຍາ ເປັນວັນສອບເສັງຄັດເລືອກເອົານັກສຶກສາເຂົ້າຮຽນ

ມະຫາວິທະຍາໄລແຫ່ງຊາດ ໄດ້ໃຫ້ຮູ້ວ່າ: ການຈັດຕັ້ງປະຕິບັດການລົງທະບຽນເພື່ອຮັບສະໝັກສອບເສັງຄັດເລືອກເອົານັກສຶກສາເຂົ້າຮຽນ ທີ່ໄດ້ປະຕິບັດການລົງທະບຽນແບບອອນລາຍມາໄລຍະໜຶ່ງ ແລະໄດ້ພັກເນື່ອງຈາກການລະບາດຂອງພະຍາດໂຄວິດ-19 ແລ້ວນັ້ນ

ເພື່ອຮັບສະໝັກສອບເສັງຄັດເລືອກເອົານັກສຶກສາເຂົ້າຮຽນ ຢູ່ມະຫາວິທະຍາໄລແຫ່ງຊາດ, ໃນສົກສຶກສາ 2021-2022 ໃຫ້ມີປະສິດທິພາບ ຈຶ່ງໄດ້ມີການເປີດຮັບລົງທະບຽນ ແລະ ກໍານົດມື້ສອບເສັງໃໝ່ ໂດຍມີລາຍລະອຽດດັ່ງນີ້:

1. ກໍານົດວັນສອບເສັງຄັດເລືອກເອົານັກສຶກສາເຂົ້າຮຽນ ທີ່ມະຫາວິທະຍາໄລແຫ່ງຊາດ ວັນທີ 25 ກັນຍາ 2021

2. ເປີດໃຫ້ລົງທະບຽນອອນລາຍ (Online) ເຖິງວັນທີ 22 ກັນຍາ 2021

3. ນໍາເອກະສານມາສະເໜີ ແລະ ຮັບບັດອະນຸຍາດເຂົ້າຫ້ອງສອບເສັງຈາກການລົງອອນລາຍ (Online) ເລີ່ມວັນທີ 14 ກັນຍາ 2021 ເຖິງວັນທີ 22 ກັນຍາ 2021

4. ກໍລະນີຜູ້ທີ່ບໍ່ສາມາດລົງທະບຽນເອງໄດ້ ແລະ ບໍ່ເຂົ້າໃຈ ແມ່ນສາມາດມາລົງທະບຽນອອນລາຍ (Online) ກັບທີ່ ຢູ່ມະຫາວິທະຍາໄລແຫ່ງຊາດ ວິທະຍາເຂດດົງໂດກ (ສະໂມສອນໃຫຍ່) ເລີ່ມວັນທີ 14 ກັນຍາ 2021 ເຖິງວັນທີ 22 ກັນຍາ 2021

5. ສະຖານທີ່ລົງທະບຽນ ແລະ ຮັບບັດອະນຸຍາດເຂົ້າຫ້ອງສອບເສັງ: ມະຫາວິທະຍາໄລແຫ່ງຊາດ ວິທະຍາເຂດດົງໂດກ (ສະໂມສອນໃຫຍ່)

Related Posts

Leave a Reply

Your email address will not be published. Required fields are marked *