10 ປະເທດ ທີ່ເກັບພ າ ສີ ໄດ້ສູ ງ ທີ່ ສຸ ດໃນໂລກ

ເມື່ອເຮົາເບິ່ງຖິຕິທີ່ຖືກເກັບແລະເຮັດສຳຫຼວດໃນປີຕ່າງໆ ເຮົາຈະເຫັນວ່າມີປະເທດຢູ່ກຸ່ມໜຶ່ງ ທີ່ມັກເກັບພາສີເງິນໄດ້ສູງຫລາຍໆ ຖ້າທຽບກັບປະເທດທີ່ເຫຼືອໃນສ່ວນອື່ນໆຂອງໂລກ.

ຖ້າເບິ່ງກັບມາເບິ່ງຄວາມຮູ້ສຶກໃນແງ່ການເປັນຜູ້ຈ່າຍພາສີ ຄົງປະຕິເສດບໍ່ໄດ້ເລີຍວ່າ ຫຼັກການທົ່ວໄປຄື ຄົນທຸກຄົນມັກຈະບໍ່ຢາກຈ່າຍເງິນທີ່ຫາມາ ດ້ວຍການເຮັດວຽກງານຂອງຕົນເອງໄປໃຫ້ຜູ້ອື່ນ.

ແນ່ນອນວ່າ, ຫຼາຍຄົນຢາກບໍລິຫານຈັດການດ້ວຍໂຕເຮົາເອງ ແຕ່ເປັນຫຍັງຄຸນນະພາບຊີວິດຂອງຫຼາຍປະເທດທີ່ເກັບພາສີສູງກັບສູງຕາມຈຳນວນເມັດເງິນທີ່ປະຊາກອນຍອມຈ່າຍອອກຈາກກະເປົ໋າຂອງຕົນ

ຈາກການເກັບຂໍ້ມູນຂອງອົງການເພື່ອຄວາມຮ່ວມມືແລະການພັດທະນາທາງເສດຖະກິດ (OECD) ປີ ຄ.ສ. 2021 ສະຫລຸບສະຖິຕິ 10 ປະເທດທີ່ເກັບພາສີສູງທີ່ສຸດໃນໂລກ

ໄດ້ແກ່:

  1. ໂປຕຸເກດ
  2. ອາຣູບາ
  3. ສະວີເດນ
  4. ຍີ່ປຸ່ນ
  5. ເດນມາກ
  6. ສະວິດເຊີແລນ
  7. ອອດເຕຼຍ
  8. ຟິນແລນ
  9. ການາດາ
  10. ເກົາຫຼີໃຕ້

ເຮົາລອງມາທຳຄວາມເຂົ້າໃຈລາຍຊື່ປະເທດທີ່ກ່າວມາ ຈະເຫັນໄດ້ວ່າ ມີຄວາມສຳພັນກົງໄປກົງມາກັບສະຖິຕິຂອງປະເທດທີ່ມີຄວາມສຸກທີ່ສຸດໃນໂລກ ໂດຍທີ່ ເດນມາກ, ສະວິດເຊີແລນ, ເນເທີແລນ, ການາດາ ແລະສະວີເດັນ ກໍເປັນລາຍຊື່ປະເທດທີ່ໄດ້ຮັບການຍົກຍ້ອງໃຫ້ເປັນປະເທດທີ່ປະຊາກອນມີຄວາມສຸກທີ່ສຸດ ລະດັບໂລກນຳເຊັ່ນດຽວກັນ.

ແລ້ວອິຫຍັງຄືຄວາມເຊື່ອມໂຍງລະຫວ່າງການເກັບພາສີໃນອັດຕາສູງ ແລະຄວາມສຸກຂອງປະຊາກອນໃນປະເທດ
ທ່ານເຈຟຟຣີ ແຊກສ໌ ນັກເສດຖະສາດລະດັບໂລກໄດ້ອະທິບາຍວ່າ ອັດຕາຄວາມສຸກຂອງປະຊາກອນໃນປະເທດທີ່ສູງນັ້ນ ຂຶ້ນຢູ່ກັບຮາກຖານທາງສັງຄົມທີ່ແຂງແຮງ.

ໃນທີ່ນີ້ໝາຍຄວາມເຖິງຄວາມເຊື່ອໝັ້ນຂອງປະຊາກອນຕໍ່ລະບົບໂຄງສ້າງໃນການບໍລິຫານຈັດການໃນປະເທດແລະການມີຄຸນນະພາບຊີວິດທີ່ດີ.

ການເກັບພາສີສູງນຳໄປສູ່ການໄດ້ຮັບສະຫວັດດິີການທາງສັງຄົມທີ່ມີຄຸນນະພາບຫລາຍຂຶ້ນ

ເນື່ອງຈາກພາສີຈຳນວນຫລາຍທີ່ຖືກຈ່າຍໃຫ້ພາກລັດນຳໄປແບ່ງສັນປັນສ່ວນອອກມາເປັນບໍລິການສາທາລະນະຕ່າງໆ ບໍ່ວ່າຈະເປັນການເບິ່ງແຍງສຸຂະພາບທົ່ວໄປ ການເຂົ້າເຖິງບໍລິການການສຶກສາທີ່ມີຄຸນນະພາບ ການມີສິດທິພັກວຽກເພື່ອໄປຫາຄອບຄົວ ສິ່ງເຫຼົ່ານີ້, ເປັນຜົນພວງມາຈາກຮາກຖານທາງສັງຄົມທີ່ແຂງແຮງ.

ຜູ້ຄົນໃນປະເທດເຫຼົ່ານັ້ນມີຄວາມສຸກໃນລະດັບສູງ ເພາະມີຄວາມເຊື່ອໝັ້ນ ແລະໄດ້ຮັບການສື່ສານນະໂຍ ບາຍສາທາລະນະດ້ວຍຄວາມຊື່ສັດຈາກລັດຖະບານ ບໍ່ແມ່ນຄວາມສຳພັນທີ່ຕັ້ງຢູ່ເທິງຄວາມຫວາດລະແວງ ຜູ້ຄົນໄດ້ຮັບຈຳນວນມື້ຢຸດຕາມຄວາມເໝາະສົມ.

ສາມາດເຂົ້າເຖິງບໍລິການສາທາລະນະສຸກທີ່ມີຄຸນນະພາບໄດ້ ໂດຍບໍ່ຕ້ອງຈົກເງິນໃນກະເປົ໋າຈ່າຍເທົ່າໃດ? ຄ່າຮໍ່າຮຽນໃນສະຖາບັນການສຶກສາທີ່ມີຄຸນນະພາບບໍ່ແພງ ແລະຄຸນນະພາບຂອງບໍລິການສາທາລະນະອື່ນໆ.

ຮາກຖານທາງສັງຄົມທີ່ແຂງແກ່ນນຳໄປສູ່ຄຸນນະພາບຊີວິດຂອງປະຊາກອນທີ່ສູງຂຶ້ນ ເລີຍກັບມາຕອບຄຳຖາມທີ່ວ່າເປັນຫຍັງປະຊາກອນໃນປະເທດເຫຼົ່ານັ້ນ ຈຶ່ງຍອມຈ່າຍພາສີລາຄາແພງ ເພື່ອແລກມາດ້ວຍການສະໜັບສະໜູນຈາກພາກລັດຢ່າງເໝາະສົມ.

ແຫຼ່ງຂໍ້ມູນ:https://www.investerest.co/finance/highest-taxed-countries

ນັກທຸລະກິດລາວ NewCEOLAOS

Related Posts

Leave a Reply

Your email address will not be published. Required fields are marked *